Roteiros de Lalín

ACTUALIDADE

O domingo día 12 de agosto de 2026 agárdanos un espectáculo único e que tardará moito en repetirse. Ven o eclipse de sol e a Comunidade de Montes de Bermés, Roteiros de Lalín e a Asociación Cultural Viarum Dezae convidámosvos a contemplalo no Monte do Carrio. Adiantamos que por moi pouquiño o eclipse no monte do Carrio non será total, pero sí veremos o sol tapado pola lúa en máis dun 95%. Tamén aclaramos que este evento que organizamos será en formato reducido, únicamente para un máximo de 49 persoas.

A actividade inclúe:

Observación do eclipse (facilitaremos gafas homologadas)
Roteiro nocturno para visitar os petróglifos do Monte do Carrio
Representación teatral a cargo de Fantoches Baj

Punto de encontro: No Monte do Carrio no aparcadoiro da Comunidade de Montes de Bermés. Punto de encontro: aqui

Infórmate e inscríbete premendo aquí.

Seguiremos as recomendacións da Xunta de Galicia que constan na web:

Portada – Portal Eclipse (xunta.gal)

Tamén podedes atopar máis información sobre os eclipses en:

Trío de Eclipses en España (2026-2028) | Web Oficial (trioeclipses.es)

FAITE SOCI@

Faite soci@ e tramitamos a túa licencia federativa.

Comezamos coa campaña de soci@s para o ano 2025. Tamén estamos, dende hai anos, dados de alta na Federación Galega de Montañismo e podemos tramitar a túa licenza federativa.

Faite soci@

REVISTA

Como cada ano, xa está dispoñible a nosa revista anual Viarum Dezae que podedes conseguir no Café de Mili e que tamén se pode descargar neste enlace: Revista

AXUDAS RECIBIDAS

_________________________________________

ACTIVIDADES ANTERIORES

________________________________________

QUEN SOMOS

Roteiros de Lalín – viarum dezae é un proxecto feito a partir de voluntariado que ten por obxetivo a creación de rutas e a organización de andainas no Concello de Lalín e na Comarca de Deza. Promovemos a conservación dos camiños tradicionais e do patrimonio natural, arqueolóxico, monumental e etnográfico.

Comezamos o proxecto de Roteiros de Lalín en outubro do ano 2015. O noso catálogo de rutas componse actualmente de 23 roteiros e está á vosa disposición. A continuación poñemos algúns deles. Só tedes que descargar o arquivo gps e xa podedes seguir o percorrido. Tamén tedes a posibilidade de participar nas andainas que organizamos periódicamente e está en marcha a colocación de sinalización permanente en varias das nosas rutas.