Roteiros de Lalín

ACTUALIDADE

Xa estamos preparando o primeiro Roteiro do ano 2025. Roteiros de Lalín en colaboración coa IV Feira Internacional de Apicultura, Concello de Lalín e Asociación de Veciños de Catasós, organizamos o Roteiro das Alvarizas de Catasós. A andaina que é gratuita ten 16 quilómetros de dificultade media. Permite visitar 6 alvarizas. Ademais pasa pola Fraga de Quiroga, a Ponte do Pozo Negro, Puxallos e tamén por o Monte Común da Xesta e o lugar de A Fervenza tamén pertencente á parroquia da Xesta. Finaliza pasando polo Castro de Catasós. Para facer a túa inscrición pulsa Aquí

FAITE SOCI@

Faite soci@ e tramitamos a túa licencia federativa.

Comezamos coa campaña de soci@s para o ano 2025. Tamén estamos, dende hai anos, dados de alta na Federación Galega de Montañismo e podemos tramitar a túa licenza federativa.

Esperamos así poder participar tamén nas actividades que organiza a Federación e se queredes podemos darvos de alta coma deportistas federados para acceder ás coberturas e vantaxes que iso conleva.

Para solicitar a vosa alta coma socios tedes que cubrir o formulario cos vosos datos e ingresar a cuota anual de socio que son 20 € . Ser soci@ de Roteiros de Lalín significa poder participar nas nosas actividades en Lalín e en Galicia e estar cuberto polas nosas pólizas de seguro de Responsabilidade Civil e de accidentes.

Se queredes ademais tramitar a licenza federativa tedes que darvos de alta coma socio e ingresar a cuota de socio máis o custe da licenza federativa anual con varias modalidades para o caso de maiores de 18 anos:

83 € (20€ soci@ + 63€ da licenza con tarxeta física) se queredes a licenza para actividades dentro de Galicia. Modalidade AU-B.
110 € (20€ socio + 90€ da licenza con tarxeta física) se queredes ter licenza para realizar actividades en Galicia, Portugal, resto de España e Pirineos. Modalidade B-B.
No caso de menores de idade ou xente entre 18 e 25 anos e outras modalidades consultarnos no correo electrónico roteirosdelalin@gmail.com

No caso de soci@s de Roteiros de Lalín do ano 2024 e que renoven no 2025, a licenza federativa terá un desconto de 10 euros no caso da licenza para Galicia e de 20 euros para a da Modalidade B. Polo que os importes a ingresar serían os seguintes:

73 € (20€ socio + 53€ da licenza) se queredes a licenza para actividades dentro de Galicia. Modalidade AU.
90 € (20€ socio + 70€ da licenza) se queredes ter licenza para realizar actividades en Galicia, Portugal, resto de España e Pirineos. Modalidade B.

RECOMENDAMOS FACER A LICENZA DA MODALIDADE B E NAS SAÍDAS QUE FAGAMOS FORA DE GALICIA PARA PARTICIPAR SERÁ OBRIGATORIO TER ESTA LICENZA.

Para tramitar a vosa alta coma soci@ e a licencia federativa podedes acceder ao formulario pinchando aquí

Estar federado dáche dereito a:

Participar con preferencia nas actividades federativas (FGM/FEDME)
Participar nos cursos da Escola Galega de Alta Montaña (EGAM)
Axudas económicas nalgunhas actividades federativas de ámbito galego, estatal e internacional
Usar os refuxios galegos e os que teñan convenio
Prezos moi reducidos nos refuxios galegos,
Comunhttps://fedgalmon.gal/refuxios/icacións periódicas
Calenhttps://fedgalmon.gal/refuxios/dario de actividades
Participar en actividades divulgativas
Competicións oficiais de escalada e carreiras por montaña
Tódalas vantaxes de pertencer á Federación Española FEDME: https://fedme.es/licencia-fedme/

REVISTA

Como cada ano, xa está dispoñible a nosa revista anual Viarum Dezae que podedes conseguir no Café de Mili e que tamén se pode descargar neste enlace: Revista

_________________________________________

ACTIVIDADES ANTERIORES

________________________________________

QUEN SOMOS

Roteiros de Lalín – viarum dezae é un proxecto feito a partir de voluntariado que ten por obxetivo a creación de rutas e a organización de andainas no Concello de Lalín e na Comarca de Deza. Promovemos a conservación dos camiños tradicionais e do patrimonio natural, arqueolóxico, monumental e etnográfico.

Comezamos o proxecto de Roteiros de Lalín en outubro do ano 2015. O noso catálogo de rutas componse actualmente de 23 roteiros e está á vosa disposición. A continuación poñemos algúns deles. Só tedes que descargar o arquivo gps e xa podedes seguir o percorrido. Tamén tedes a posibilidade de participar nas andainas que organizamos periódicamente e está en marcha a colocación de sinalización permanente en varias das nosas rutas.