novas | Roteiros de Lalín

ACTUALIDADE

Un ano máis colaboramos coa veciñanza da parroquia de Camposancos para organizar con eles por terceiro ano consecutivo a Andaina de Camposancos que terá lugar o domingo día 24 de maio de 2026. Este ano tamén haberá un novo percorrido con moito patrimonio natural e cultural para coñecer e disfrutar. Sairemos do local social a carón do castro de Camposancos, pasaremos polas mámoas de Oirós e a igrexa parroquial deste lugar. Continuaremos pola Capela das Dores de Montouto e pasaremos por Asorei con visita a un muiño monumental. Regresaremos finalmente ata o local social. Haberá xantar con pulpeiro e pola tarde xogos tradicionais. E sobre todo o cariño e a ilusión que senten as xentes de Camposancos pola súa parroquia.

Punto de encontro: Local Social de Camposancos ás 9,30 horas. ubicación.

Infórmate e inscríbete premendo aquí.

FAITE SOCI@

Faite soci@ e tramitamos a túa licencia federativa.

Comezamos coa campaña de soci@s para o ano 2025. Tamén estamos, dende hai anos, dados de alta na Federación Galega de Montañismo e podemos tramitar a túa licenza federativa.

Faite soci@

REVISTA

Como cada ano, xa está dispoñible a nosa revista anual Viarum Dezae que podedes conseguir no Café de Mili e que tamén se pode descargar neste enlace: Revista

AXUDAS RECIBIDAS

_________________________________________

ACTIVIDADES ANTERIORES

________________________________________

QUEN SOMOS

Roteiros de Lalín – viarum dezae é un proxecto feito a partir de voluntariado que ten por obxetivo a creación de rutas e a organización de andainas no Concello de Lalín e na Comarca de Deza. Promovemos a conservación dos camiños tradicionais e do patrimonio natural, arqueolóxico, monumental e etnográfico.

Comezamos o proxecto de Roteiros de Lalín en outubro do ano 2015. O noso catálogo de rutas componse actualmente de 23 roteiros e está á vosa disposición. A continuación poñemos algúns deles. Só tedes que descargar o arquivo gps e xa podedes seguir o percorrido. Tamén tedes a posibilidade de participar nas andainas que organizamos periódicamente e está en marcha a colocación de sinalización permanente en varias das nosas rutas.